ISFFT 2026 shënon edicionin e parë të festivalit dhe vendos në qendër Ballkanin Perëndimor si bërthamë artistike, kulturore dhe akademike. Bashkëpunimi me universitetet e rajonit është pjesë thelbësore e këtij edicioni, duke e shndërruar festivalin në një pikë takimi për rrjetëzim dhe zhvillim profesional të studentëve dhe pedagogëve.

Ky edicion synon të forcojë marrëdhëniet ndëruniversitare, të nxisë mobilitetin dhe të ndërtojë një model bashkëpunimi që reflekton energjinë e rajonit. Në vijim, ISFFT synon të zgjerohet drejt partnerëve europianë, duke krijuar një platformë të gjerë ndërkombëtare ku edukimi filmik dhe dialogu kulturor bashkëjetojnë në harmoni.

ISFFT 2026 do të zhvillohet nga 21–24 Prill 2026, në ambientet e Universitetit të Arteve, Tiranë.